1Блажен е човекот што не оди по советот на злите, не стои на патот на грешниците и не седи меѓу потсмевачите,
2туку се радува на поуката на ГОСПОД и за неговата поука размислува дење и ноќе.
3Тој е како дрво посадено крај потоци, што дава плод во свое време и чиј лист не венее. Сѐ што прави, му успева.
4Не се такви злите: тие се како плева што ветрот ја однесува.
5Затоа злите нема да опстојат на судот, ниту грешниците во собранието на праведните.
6Зашто ГОСПОД го знае патот на праведните, а патот на злите ќе пропадне.